Forgot your password? Forgot your username?
Member Area
You are here:
Willie Revillame forgives robbers
Written by staff   
Thursday, 06 November 2008 01:17

“Maraming salamat sa nagnakaw sa akin. Malay mo may sakit ‘yong asawa niya, malay mo ooperahan ang anak niya. Malay mo walang kakainin. ‘Yong ninakaw mo sa akin pamasko ko na sa iyo ‘yon.”

‘Yan ang mga binitiwang salita ni Willie Revillame noong Martes sa “Wowowee” sa pagbabalik niya sa pagho-host ng noontime show matapos maganap ang pagnanakaw sa kanyang bahay noong weekend.

Naging suspects sa pagnanakaw ng P3 milyon na halaga ng relo at alahas ang dalawang kasambahay ni Revillame na sina Edna Pasague at Andresa “Maresa” Wenceslao.

Mariin na itinangi nang dalawa ang mga paratang sa kanila sa pag-i-interrogate sa kanila ng pulis. At dahil na rin sa tagal ng dalawa sa serbisyo kay Willie ay pinatawad na nito sina Pasague at Wenceslao.

“Bilib ako sa dalawang maids ko, mapagkakatiwalaan ko. Kahit anong interrogation tinanong ng mga pulis sa kanila…malalaman mo kung nagsisinungaling o hindi ‘yong dalawang maids ko. Si Maresa at si Edna, mahal na mahal ko ang dalawang yan,” dagdag pa ng host sa kanyang announcement sa Wowowee.

Pinauwi na ni Willie ang dalawang kasambahay sa kanyang bahay pero sasailalim pa rin sila sa lie detector test na dahil na rin sa pananagutan nila sa batas. Makukuha ang resulta ng test sa loob ng isang linggo.

Samantala habang patuloy ang ginagawang imbestigasyon sa robbery case, malakas ang usap usapan na malapit lamang sa TV host ang gumawa ng krimen na ito.


Trackback(0)
Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

busy
< Prev   Next >
 
Related Articles

Google Search

Webtvpinoy.info

Categories

News